27/05/2014 16:54:12

Fillojne konsultimet për qeverinë

Mbreti priti sot në audiencë Bart De Wever, president i partisë N-VA dhe e ngarkoi me një mision informues që synon shqyrtimin e kushteve për formimin e një qeverie sa më shpejt

BRUKSEL - Kreu i nacionalistëve flamandë (N-VA), Bart De Wever, u ngarkua sot nga mbreti belg, Philippe, për kryerjen e konsultimeve për formimin e qeverisë, dy ditë pas fitores së tij në zgjedhjet legjislative, njoftoi Pallati Mbretëror në një komunikatë. "Mbreti priti sot në audiencë Bart De Wever, president i partisë N-VA dhe e ngarkoi me një mision informues që synon shqyrtimin e kushteve për formimin e një qeverie sa më shpejt. De Wever pranoi këtë mision. Ai do t’i dërgojë një raport mbretit për zhvillimet mbi misionin e tij të martën më 3 qershor", sipas komunikatës. Kryeministri belg, Elio Di Rupo, i paraqiti mbretit Philippe dorëheqjen e qeverisë së tij pas zgjedhjeve legjislative që sollën fitoren e nacionalistëve flamandë në Flandër.

HermesNews - ©2014

Dërgo me email | Stampo artikullin