27/05/2014 16:14:05

Prioritet për punësimin profesional

Më shumë se 25 kompani të përzgjedhura dhe shkolla të formimit dhe arsimit profesional nga e gjithë Shqipëria morën pjesë sot në Panairin Kombëtar të Firmave Ushtrimore

TIRANE - Të rinjtë që vazhdojnë arsimin profesional, do të jenë të parët për punësim. Kështu është shprehur Ministri Veliaj ditën e martë në Panairin Kombëtar të Firmave Ushtrimore. Më shumë se 25 kompani të përzgjedhura dhe shkolla të formimit dhe arsimit profesional nga e gjithë Shqipëria morën pjesë sot në Panairin Kombëtar të Firmave Ushtrimore. Në panair u prezantuan biznese virtuale të krijuara nga studentët e shkollave të formimit professional. Në aktivitet ishin të pranishëm Ministri i Mirëqënies Sociale dhe Rinisë, Erion Veliaj, Ambasadori i Austrisë në Shqipëri Thomas Schmol dhe Drejtori Menaxhues i Agjencisë Austriake të Zhvillimit, Martin Ledolter. Sipas Ministrit të MMSR, askush më tepër sesa të rinjtë që vazhdojnë shkollat profesionale nuk do të kenë mundësi të punësohen.

HermesNews - ©2014

Dërgo me email | Stampo artikullin