23/05/2014 16:24:42

Drejtori i zgjerimit të BE-së në Tiranë

Drejtori për Zgjerimin e BE-së Christian Danielsson takon ministrin Tahiri

TIRANË - Qeveria shqiptare është thellësisht e angazhuar për të luftuar krimin e organizuar dhe korrupsionin, tha të premten Ministri i Brendshëm, Saimir Tahiri, gjatë një takimi me Drejtorin për zgjerimin e Bashkimit Europian, Christian Danielsson.

Ministri i Brendshëm informoi Drejtorin për Zgjerimin e BE-së lidhur me reformën në fushën e sigurisë me të gjitha ligjet e kuadrit në fushën e sigurisë, të cilat, sipas Tahirit, tashmë kanë përfunduar.

“Një pjesë e tyre janë miratuar në qeveri dhe janë në procedura parlamentare për miratim, një pjesë tjetër është në fazën finale të diskutimit me partnerët ndërkombëtarë dhe natyrisht në ligjin bazë, që është ligji për Policinë e Shtetit, i cili së bashku me partnerët, ka përfunduar fazën e hartimit, është në fazën finale të diskutimit dhe garanton, në vlerësimin tonë një standard shumë më të lartë të punës së Policisë së Shtetit në luftën kundër krimit të organizuar dhe korrupsionit për garantimin e të drejtave dhe lirive themelore të njeriut dhe gjithashtu për t’u dhënë qytetarëve shqiptarë një standard sigurie deri dje vërtet të paimagjinueshëm.”, theksoi Tahiri.

Kreu i Ministrisë së Brendshme gjatë takimit i bëri me dije z. Danielson se ëhstë përfundim puna për krijimin e Byrosë Kombëtare të Hetimti.

Sipas Tahirit, Byroja Kombëtare e Hetimit tashmë është pjesë e ligjit të ri për Policinë e Shtetit.

Christian Danielsson, në fjalën e tij bëri të ditur se takimi ishte i rëndësishëm edhe për raportin që ne do të dorëzojmë javën që vjen.

Dhjetorin e kaluar shtetet anëtare të BE-së bënë një gjë të qartë që e ardhmja eropiane do të varet nga aftësia e Shqipërisë për të siguruar që ka një shtet të së drejtës që është i fortë dhe rezultatet të jenë të forta, solide por edhe të qëndrueshme, sipas Danielsson.

"Ky do jetë edhe fokusi që do të dalë në raportin e KE-së javën që vjen. Përsa i përket këtyre fushave BE-ja ka dhënë një asistencë financiare të konsiderueshme në mënyrë që të ndihmohet Shqipëria që t’i sjellë kapacitetet e saj sa më afër BE-së", tha ai.

"Asistenca jonë (BE-së), synon të përmirësojë funksionimin e Policisë së Shtetit, por edhe zyrës së Prokurorisë, të cilët janë natyrisht kontribues shumë të rëndësishëm në luftën e madhe që bëhet dhe duhet të bëhet kundër krimit të organizuar dhe korrupsionit , dhe mezi po pres së bashku me ministrin Tahiri mbas këtyre fjalëve ne të kemi mundësinë që të bëjmë një vizitë tek PAMECA", përfundoi Drejtori për Zgjerimin e BE-së, Christian Danielsson.

HermesNews - ©2014

Dërgo me email | Stampo artikullin