22/05/2014 09:39:32

Europianët zgjedhin deputetët

Britania e Madhe dhe Holanda, të vetmet shtete që do të votojnë sot

HAGË - Zgjedhjet europiane filluan sot në mëngjes në Holandë rreth orës 07:30 duke nisur procesin e votimit që synon të zgjedhë për pesë vjet 751 deputetë në Parlamentin Europian. Për katër ditë në 28 vende të Bashkimit Europian, këto zgjedhje mund të nxjerrin në pah partitë euroskeptike dhe populiste që të marrin një numër votash të shumta në disa vende kyçe. Siç është rasti i Britanisë së Madhe dhe Holandës, të vetmet shtete që do të votojnë sot. Qendrat e votimit u hapën rreth orës 06:00 në Britani. Edhe pse europianët nuk votojnë në të njëjtën ditë, rezultatet do të bëhen të ditura njëkohësisht në të gjitha vendet anëtare, pasi të jenë mbyllur qendrat e votimit në Itali ditën e dielë rreth orës 21:00. Sondazhet me mbylljen e qendrave të votimit do të publikohen gjithsesi në disa shtete, siç është rasti i Holandë-s.

HermesNews - ©2014

Dërgo me email | Stampo artikullin