19/05/2014 18:03:24

Sekuestrohet 691 kg drogë; vinte nga Shqipëria

Droga u gjet në çatinë e një kamioni frigorifer, ndërsa prejardhja e saj ishte nga Shqipëria për në Gjermani

ATHINE - 691 kg drogë kanabis sativa, e ardhur nga Shqipëria, janë sekuestruar nga grekët sot. Në pranga dy shtetas grekë, transportues të lëndës narkotike. Droga u gjet e fshehur në çatinë e një kamioni frigorifer, ndërsa prejardhja e saj ishte nga Shqipëria dhe kishte si destinacion Gjermaninë.

Dy grekëve iu janë sekuestruar edhe 2990 euro dhe 5 telefona celularë në cilësinë e provës materiale. Mediat greke e kanë cilësuar sasi rekord droge. Policia greke po punon për zbardhjen e plotë të ngjarjes dhe rrjetit të trafikut.

HermesNews - ©2014

Dërgo me email | Stampo artikullin