19/05/2014 17:06:21

BE shqetësohet për situatën në Libi

Situata mbetet e paqartë në Tripoli pas sulmit kundër Parlamentit nga një grup i armatosur që kërkoi ndërprerjen e tij

BRUKSEL - Bashkimi Europian u shpreh shumë i shqetësuar nga vazhdimi i përkeqësimit të situatës në Libi, ku një grup i armatosur ka sulmuar dje Parlamentin, sipas një zëdhënësi. "BE është shumë e shqetësuar nga vazhdimi i përkeqësimit të situatës në Libi", deklaroi Michael Mann, zëdhënësi i shefes së diplomacisë së Bashkimit Europian, Catherine Ashton, në një konferencë shtypi. "Ajo u kërkon të gjitha palëve të shmangin çdo përdorim force dhe të punojnë së bashku për mbështetur arritjen e një tranzicioni në Libi", shtoi ai. Situata mbetet e paqartë në Tripoli pas sulmit kundër Parlamentit nga një grup i armatosur që kërkoi ndërprerjen e tij.

HermesNews - ©2014

Dërgo me email | Stampo artikullin