17/05/2014 17:24:17

Fillojnë ndihmat për Serbinë

BE-ja aktivizoi Mekanizimin për Mbrojtje me kërkesë të Serbisë dhe në përgjigjen e parë reaguan Franca, Sllovenia, Bullgaria, Gjermania, Hungaria, Austria, Republika Çeke dhe Kroacia

BEOGRAD - Tetë vende anëtare të BE-së, shtuar këtu Rusinë, SHBA-në, Izraelin dhe Maqedoninë po ndihmojnë Serbinë për të përballuar gjendjen kritike për shkak të përmbytjeve, ndërkohë që është aktivizuar edhe diaspora serbe. BE-ja aktivizoi Mekanizimin për Mbrojtje me kërkesë të Serbisë dhe në përgjigjen e parë reaguan Franca, Sllovenia, Bullgaria, Gjermania, Hungaria, Austria, Republika Çeke dhe Kroacia. Deri tani janë evakuar më shumë se 15 000 persona, por mbetet ende kritike situata në Shabac. Pa energji elektrike janë 13 komuna me rreth 80 000 shtëpi. ”Janë përmbytur të paktën 1 600 objekte, ndërsa janë rrezikuar edhe 1 500 të tjera”, njoftoi Ministri e Brendshme serbe. ”Rreth 4 000 njerëz deri tani janë evakuar nga qyteti serb Obrenovac”, deklaroi sot shefi i Sektorit për Situata të Jashtëzakonshme Predrag Mariç. Ndërkohë, Prokuroia Publike Serbe po heton rastet e keqpërdorimit të situatës së jashtëzakonshme në vend siç është rritja e çmimit të ujit dhe produkteve ushqimore dhe njoftoi se do të reagojë ndaj të gjitha rasteve të kryerjes së veprave penale.

HermesNews - ©2014

Dërgo me email | Stampo artikullin