17/05/2014 17:07:57

Gati autonomia e minoriteteve

Orban: ''Tërësia e shtetit hungarez mbështet kërkesat e autonomisë të popullsisë hungareze të Transkarpatias''

BUDAPEST - Kryeministri konservator hungarez, Viktor Orban bëri sërish thirrje në lidhje me autonominë e diskutueshme të minoritetit hungarez që jeton në perëndim të Ukrainës, pas më pak se një jave provokimesh diplomatike mes Budapestit, Kievit dhe Varshavës. “Tërësia e shtetit hungarez mbështet kërkesat e autonomisë të popullsisë hungareze të Transkarpatias”, u shpreh kreu i qeverisë hungareze në një intervistë dhënë dje në televizionin publik “M1″. Mes 150 mijë dhe 200 mijë personave me etni hungareze që jetojnë në Ukrainë, thuajse pjesa më e madhe jeton në Transkarpatia. Ata përfaqësojnë minoritetin më të madh (rreth 13 për qind) të këtij rajoni ukrainas kufi me Rumaninë, Hungarinë dhe Sllovakinë. “Një Ukrainë e qëndrueshme dhe demokratike është në interesin tonë, por Ukraina nuk mund të jetë e qëndrueshme dhe demokratike pa u dhënë të drejtat e tyre minoriteteve dhe komuniteteve kombëtare që jetojnë aty”, shtoi ai.

HermesNews - ©2014

Dërgo me email | Stampo artikullin