17/05/2014 09:34:06

Viktima dhe të zhdukur nga shirat

Bosnje-Hercegovina dhe Serbia shpallën të enjten gjendjen e jashtëzakonshme

SARAJEVË - Katër të humbur dhe dy të zhdukur shkaktuan shirat në Bosnje, njoftuan dje në mbrëmje autoritetet përgjegjëse boshnjake. Bosnje-Hercegovina dhe Serbia shpallën të enjten gjendjen e jashtëzakonshme për shkak të përmbytjeve më të rënda që mbahen mend në historinë e dy vendeve, të paktën për 120 vitet e fundit. Shirat e katër muajve të mbledhur së bashku ranë vetëm në një ditë në Serbi. Shumë qytete në Bosnje, sidomos në veri dhe në verilindje të vendit janë përmbytur nga shiu, ndërkohë që të paktën 60.000 banorë kanë mbetur pa energji elektrike. Gjatë gjithë ditës së djeshme, një dyzinë helikopterësh të ushtrisë boshnjake, të Forcës Europiane në Bosnje dhe shërbime sigurimi nga Kroacia fqinje janë marrë me evakuimin e banorëve të zonave të prekura nga përmbytjet.

HermesNews - ©2014

Dërgo me email | Stampo artikullin