16/05/2014 18:48:42

Ferr brenda dhe jashtë San Diego-s

Dëmi nga zjarri kap vlerën e $20 milionë

KALIFORNI - Një terren prej 14 milje në San Diego (Kaliforni) është përfshirë nga zjarri, ndërsa kuadrat e zjarrfikësve ende po luftojnë për ta shuar. Flakët janë nxitur nga era dhe temperaturat e larta. 20 mijë banorë u evakuuan, 18 shtëpi janë shkatërruar. Dëmi nga zjarri kap vlerën e $20 milionë. Në Carlsbad, u gjet një trup i shkrumbuar në flakë, por nuk ka informacione rreth identitetit të personit në fjalë dhe shkaqet që i shkaktuan vdekjen. Shkollat e rajonit janë mbyllur; impiantet nukleare dhe bazat ushtarake janë evakuuar gjithashtu. Kampusi i Universitetit Shtetëror të Kalifornisë është mbyllur po ashtu, për shkak të flakëve duke lënë pa provime 10 mijë studentë.

HermesNews - ©2014

Dërgo me email | Stampo artikullin