15/05/2014 17:39:57

Përfundojnë abuzimet, burg për shkelësit e ligjeve

Rama, persona të lidhur me pushtetin kanë arritur të legalizojnë ndërtime, shtesa katesh apo troje për 24 orë në prag të fushatës elektorale

TIRANE - Kalvari 20 vjeçar i mijëra familjeve që ndërtuan një shtëpi për një të ardhme më të mirë dhe që u gënjyen se do të legalizoheshin për 8 vite me radhë, mbaron, siguroi sot Kryeministri i Shqipërisë Edi Rama. Duke folur për ndryshimet në ligjin për legalizimet ai tha se, "Janë në total 300 mijë ndërtime pa leje, ndër të cilat, 270 mijë janë vetdeklarime. Ai informoi se 21900 qytetarë janë pajisur me leje legalizimi ndërsa 15 mijë familjeve iu është legalizuar banesa". Referuar statistikave dhe dokumentacionit të gjetur në Drejtorinë e ALUIZNI-t, "legalizimi nuk është bërë për hall për ata që zbritën për një jetë më të mirë, por për ata që kanë zaptuar vendin me leje kërpudhash prej betoni dhe që kanë paguar padyshim, për t’u kthyer në pronar dhe në çdo hap shteti duhet të përballet me ta si me pronarë të ligjshëm dhe t’i shpronësojë si pronarë real të tokës", tha ai. Kryeministri Rama deklaroi se të gjithë personat e përzier në sistemin e ALUIZNI-t duhet të shkojnë në burg, bazuar tek ligjet në fuqi dhe tek kjo flagrancë spektakolare.

HermesNews - ©2014

Dërgo me email | Stampo artikullin