15/05/2014 14:43:00

Negociata për një megakontratë

Kina dhe Rusia drejt finalizimit të një marëveshjeje të gazit

PEKIN - Kina dhe Rusia vazhdojnë bisedimet për të finalizuar një megakontratë të gazit, pasi nuk kanë rënë në kompromis deri tani në lidhje me çmimin e gazit natyror, njoftoi sot një zyrtar i lartë kinez, ndërsa nënshkrimi i kësaj marrëveshje pritet javën e ardhshme. “Jemi ende në bisedime me Moskën, dhe do të bëjmë më të mirën për t’u siguruar që kjo kontratë të mund të nënshkruhet para krerëve të shteteve të dy vendeve, gjatë vizitës së presidentit rus, Vladimir Putin në Kinë, javën e ardhshme”, bëri me dije zëvendësministri i Jashtëm kinez, Cheng Guoping. Ndërmarrjet e përfshira në këto bisedime, gjiganti energjetik rus, ”Gazprom” nga njëra anë dhe “China National Petroleum Corp” (CNPC), prodhuesit më të mëdhenj kinez të naftës nga ana tjetër, kanë rënë dakort në pjesën më të madhe të çështjeve, vijoi ai gjatë një konference shtypi.

HermesNews - ©2014

Dërgo me email | Stampo artikullin