14/05/2014 15:30:38

Kanabisi heq titullin e pronësisë mbi tokën

Një prej masave që po diskutohet është ajo e heqjes së titullit të pronësisë në rast konstatimi të kultivimit të lëndës narkotike

TIRANE - Gjatë një takimi me drejtues të policisë, kreu i qeverisë, Edi Rama ka deklaruar se policia shqiptare ka nivelin më të ulët arsimor dhe moshën më të lartë në Europë. "Ligjvënësit janë shkelësit më flagrant të ligjit. Jemi qeveria e parë qe gjobitemi nga policia", tha ai. Ministri i Brendshëm, Saimir Tahiri duke folur për luftën ndaj trafikut të lëndëve narkotike u shpreh se, po shqyrtohen masa drastike për parandalimin e kultivimit të hashashit. Një prej masave që po diskutohet është ajo e heqjes së titullit të pronësisë në rast konstatimi të kultivimit të lëndës narkotike. "Kemi hartuar me partnerët një strategji të plotë kundër trafikut të drogës. Do të ketë masa radikale që mund të shkojnë deri në heqjen e titullit të pronësisë në tokën ku mbillet kanabis", tha Tahiri.

HermesNews - ©2014

Dërgo me email | Stampo artikullin