14/05/2014 15:20:47

Korçë, gjykata burg mjekëve

Kirurgu Nunka dhe reanimatori Uzuni ishin akuzuar nga Prokuroria për veprën penale të korrupsionit pasiv

KORCE - Mjekët e spitalit të Korçës, Niko Nunka dhe Ismail Uzuni janë dënuar me nga 2 vjet e gjashtë muaj burg dhe janë pezulluar 6 muaj nga detyra. Vendimi u mor sot nga Gjykata e Apelit të Korçës. Kirurgu Nunka dhe reanimatori Uzuni ishin akuzuar nga Prokuroria për veprën penale të “korrupsionit pasiv”, pas denoncimit të një qytetari që pretendonte marrjen e parave nën dorë për kryerjen e një operacioni bashkëshortes së tij. Ata u arrestuan që në tetorin e kaluar dhe gjatë kësaj kohe janë gjykuar në gjendje të lirë.

HermesNews - ©2014

Dërgo me email | Stampo artikullin