14/05/2014 11:33:12

Tre gjyqtarë fshehën pasurinë

Prokuroria kërkon pezullimin nga puna. Mes gjyqtarëve dhe anëtari i KLD-së Gjin Gjoni

TIRANË - Prokuroria e Përgjithshme kërkon pezullimin nga detyra të tre gjyqtarëve, mes tyre dhe anëtari i KLD-së, Gjin Gjoni. Akuzat lidhen me fshehje të pasurisë. Prokuroria e Elbasanit kërkon në gjykatë pezullimin nga detyra të gjyqtarit të Gjykatës së Apelit Tiranë dhe njëkohësisht anëtar i Këshillit të Lartë të Drejtësisë, Gjin Gjoni, i cili akuzohet për refuzim i deklarimit, mosdeklarimit, fshehjes ose deklarimit të rremë të pasurive të personave të zgjedhur dhe nëpunësve publikë ose të çdo personi tjetër që ka detyrimin ligjor për deklarim. Prokuroria e Durrësit kërkon pezullim nga detyra për gjyqtarët Ken Dhima, gjyqtar pranë Gjykatës së Rrethit Gjyqësor Vlorë dhe Klorinda Çela, gjyqtare pranë Gjykatës së Rrethit Gjyqësor Tiranë, të akuzuar për të njëjtën vepër penale. Prokuroria e Durrësit, ka dorëzuar pranë Gjykatës së Rrethit Gjyqësor të këtij qyteti kërkesën për pezullim nga detyra.

HermesNews - ©2014

Dërgo me email | Stampo artikullin