12/05/2014 17:24:25

Harrohet droga: PD merret me Didin

Komisioni nuk voton raportin përfundimtar. Debatet mes komisionerëve harrojnë akuzat për drogë

TIRANË - Nuk është votuar sot, raporti përfundimtar i punës tremujore për policinë e shtetit. Demokratët mendojnë se Komisioni ka arritur të faktojë për shkelje ligjore për të cilat "opozita dyshonte", tha Ristani, kreu i komisionit. Sipas tyre Ministri i Brendshëm dhe Kryeministri kanë shkelur ligjin me emërimin në krye të drejtorisë së përgjithshme të policisë së shtetit, Artan Didi, por jo vetëm. "Emërimet e Drejtorëve në Policinë e qarqeve kanë qenë të kundraligjshme", po ashtu thotë Ristani. Demokratët kërkojnë lirimin nga detyra të zv.drejtorit të policisë Altin Qata dhe rikthimin në detyrë i Muhamet Rrumbullakut. Deputeti Partisë Socialiste, nënkryetar komisioni, Taulant Balla, tha se ndryshimet strukturore janë plotëisht të ligjshme. Socialistët flasim për raportin e SHKB-së (2013), i cili nënvizonte një degradim të policisë "për moszbatimin e të gjitha kërkesave të udhëzimit, për përdorimin e burimeve të informacionit, marrjen, administrimin, verifikimin dhe vlerësimin e të dhënave".

HermesNews - ©2014

Dërgo me email | Stampo artikullin