12/05/2014 16:18:33

Ulliri shqiptar, në vëmendjen spanjolle

Investitorët spanjollë sugjerojnë realizimin e projekteve të përbashkëta me agrobiznesin shqiptarë në fushën e vajit të ullirit

TIRANE - Sipërmarrja spanjolle me një prezencë të ulët në vendin tonë, krijon hapësira të reja në kërkim të tregut shqiptar. Këtij qëllimi i ka shërbyer marreveshja e bashkëpunimit mes agrobiznesit shqiptar dhe Dhomës së Tregtisë së Almenias, të Spanjës, për evidentimin e fushave konkrete te bashkepunimit me qëllim ndërhyrjen me projekte konkrete në degë të ndryshme të bujqesise shqiptare duke përdorur përvojën spanjolle dhe njohuritë e tyre inovative për të rritur prodhimin, cilësinë dhe marketimin në tregun kombëtar e ndërkombetar. Invetitorët spanjollë sugjerojnë realizimin e projekteve të përbashketa me agrobiznesin shqiptarë në fushën e vajit të ullirit.

Në fokus do të jetë dhënia e eksperiencës së sukseshme spanjolle në rritjen e ullirit, shfrytëzimit maksimal të kapacitetit të tij prodhues, përmirësimi i kapaciteteve prodhuese dhe cilesisë së produktit dhe ç’ka është më e rëndësishme ndjekja e rrugëve në markimin e produktit shqiptar duke bërë që ai të jetë cilësisht i dallueshem në tregun vendas dhe të huaj.

Marëveshja parashikon trajnimin e fermerëve për të gjitha stadet e prodhimit të ullirit. Për këtë do të hartohet dhe një projekt për fonde në BE. Zbatimi i këtyre projekteve do të shfrytezohet për ti dhënë jetë agro-turizmit ose i cilësuar si turizmi-oleik i cili është më i kërkuar së fundmi si nga vizitoret shqiptare ashtu dhe ata te huaj.

HermesNews - ©2014

Dërgo me email | Stampo artikullin