10/05/2014 19:46:04

Qëllohet me armë zjarri, arrestohet për kallëzim të remë

Arrestohet në flagrancë Mihal Andon Toshi, 32 vjeç

KORCE - Policia e Korçës bën me dije se ditën e sotme, u bë kapja dhe arrestimi në flagrancë i shtetasit Mihal Andon Toshi, 32 vjeç, banues në Korçë. Arrestimi i ti u bë pasi ky shtetas ditën e djeshme, rreth orës 23.00, ka shkuar në spital dhe ka marrë mjekim për një dëmtim në gishtin e këmbës, të shkaktuar me armë zjarri, ngjarje që sipas tij ka ndodhur në lagjen 11 Korçë. Lajmi u dha nga City Fm Radio. Sipas 32 vjeçarit, kur ai ka shkuar për të hipur në makinë ka dëgjuar dy krisma dhe një shpim, po nuk ka parë ndonjë person. Më pas ky shtetas pas mjekimit ka deklaruar se ka hedhur plumbin e nxjerrë nga plaga. Nga kqyrja e vendit të ngjarjes nuk janë konstatuar dhe gjetur sende e prova dhe as gëzhoja arme zjarri. Materialet i Kaluan Prokurorisë Rrethi Gjyqësor Korçë, për veprën penale "Veprime që penngojnë zbulimin e së vërtetës" dhe "Kallzimi i remë" neni 301 e 305 të Kodit Penal.

HermesNews - ©2014

Dërgo me email | Stampo artikullin