09/05/2014 17:06:04

Kapshticë, grekët kthejnë emigrantë

Autoritetet greke kanë vijuar edhe sot kthimin e emigrantëve në pikën kufitare të Kapshticës, në Korçë, ndërkohë mësohet se edhe dje ka pasur kthime masive të shtetasve shqiptarë

KAPSHTICE - Kthimet masive të emigrantëve shqiptarë nga pikat kufitare të Greqisë vazhdojnë. Autoritetet greke kanë vijuar edhe sot kthimin e emigrantëve në pikën kufitare të Kapshticës, në Korçë, ndërkohë mësohet se edhe dje ka pasur kthime masive të shtetasve shqiptarë. Burime pranë kësaj pike doganore, bëjnë me dije se vetëm gjatë ditës së djeshme janë kthyer në kufi rreth 70 persona. Emigrantët janë ankuar menjëherë pranë autoriteteve policore, duke u shprehur të shqetësuar. Ata thonë se pala greke u kërkon një garanci prej 3000-5000 euro, për t?i lejuar të kalojnë kufirin. Lajmi u dha nga Radio FM City. Sipas tyre, kjo situatë është e pajustifikueshme dhe kanë kërkuar ndërhyrjen e shtetit, pasi sipas tyre autoritetet greke po shkelin rregullat e liberalizimit të vizave. Autoritetet policore shqiptare, kanë theksuar se janë takuar me palën greke, dhe ata kanë premtuar se nuk do të kthehen më emigrantët në kufi.

HermesNews - ©2014

Dërgo me email | Stampo artikullin