09/05/2014 16:17:46

Arrestohet për drogë në Muriqan

61 vjeçari Angelo Banano u arrestua nën akuzën për drogë nga blutë e shkodrës

SHKODËR - Shtetasi italian, Angelo Banano, 61vjeç, ra në prangat e policisë sot në Pikën e Kalimit Kufitar të Muriqanit, në rrethin e Shkodrës, pasi është kapur me lëndë narkotike. Burime zyrtare nga Drejtoria e Policisë Qarkut Shkodër, bëjnë të ditur se arrestimi i këtij shtetasi u bë pasi gjatë kontrollit të ushtruar nga shërbimet e Drejtorisë Rajonale të Kufirit dhe Migracionit, në vendkalimin Kufitar Muriqan në automjtetin e tij, tip Misubishi Grandis, me targa DH 907 JP, iu gjetën dhe sekuestruan në cilësinë e provës materiale 19 pako, material bimor i paketuar në qese plastmasi të mbështjella me natriban, e dyshuar si lëndë narkotike marihuanë, e cila pas peshimit rezultoi se ishte një sasi prej 10 kilogram e 496 gram. Materialet në ngarkim të shtetasit italian, Angelo Banano, i kaluan Prokurorisë së Rrethit Gjyqësor Shkodër për hetime të mëtejshme.

HermesNews - ©2014

Dërgo me email | Stampo artikullin