09/05/2014 15:31:53

Franca shqetësohet për referendumin në Ukrainë

Laurent Fabius, është e rëndësishme që të gjitha palët të japin shembuj vetëpërmbajtjeje në drejtim të dialogut

PARIS - Franca dënoi sot zhvillimin e “referendumit të paligjshëm” nga ana e separatistëve prorusë në lindje të Ukrainës duke u bërë thirrje të gjitha palëve për “vetëpërmbajtje” dhe “dialog”. "Franca dënon vendimin e separatistëve në Ukrainën Lindore për mbajtjen e referendumeve të paligjshme, pavarësisht thirrjeve në përputhje me abstenimin", njoftoi kreu i diplomacisë franceze, Laurent Fabius i cili pati një bisedë telefonike me kryeministrin ukrainas, Arseni Jaceniuk. “Në këtë moment vendimtar është e rëndësishme që të gjitha palët të japin shembuj vetëpërmbajtjeje në drejtim të dialogut”, tha ai. Separatistët prorusë të Ukrainës kanë vendosur të mbajnë të dielën një referendum për pavarësi, pa marrë parasysh thirrjen e presidentit rus, Vladimir Putin për shtyrje të këtij procesi.

HermesNews - ©2014

Dërgo me email | Stampo artikullin