07/05/2014 11:36:02

Hungarezët votojnë një ish neonazist

Opozita votoi kundër emërimit të Tamas Sneider si zëvendës kryetar parlamenti në Budapest

BUDAPEST - Hungarezët kanë zv.kryetar parlamenti një prej eksponentëve të spikatur të partisë së ekstremit të djathtë "Jobbik". Bëhet fjalë për Tamas Sneider.

Ky i fundit ka mbështetjen e anëtarëve të grupit të tij parlamentar me 23 deputetë dhe të një pjese të madhe të konservatorëve të "Fidsz", partia e kryeministri populist Viktor Orban. Kundër tij votuan deputetët e majtë, ndërsa ekologjistët abstenuan.

Deputeti i ekstremit të djathtë i përkiste në vitet ’90 një lëvizjeje neonaziste sipas medias lokale, një pohim ky të cilin ai nuk e ka përgënjeshtruar.

HermesNews - ©2014

Dërgo me email | Stampo artikullin