07/05/2014 08:11:49

Raporti për nënat, Shqipëria zbret

Vendi ka një pozicion të mirë pasi është ulur rrezikshmëria e vdekshmërisë së nënës, krahasuar kjo me renditjen e zhvillimit ekonomik

TIRANË - Vendi ka rënë dy shkallë në aportin për situatën e nënave në botë, krahasuar kjo me një vit më parë. Lajmi u dha në një raport nga organizata Save the Children. Shqipëria ka një pozicion të mirë pasi është ulur rrezikshmëria e vdekshmërisë së nënës, krahasuar kjo me renditjen e zhvillimit ekonomik. Më konkretisht, në Shqipëri niveli i rrezikut të vdekshmërisë së nënave, gjatë shtatzanisë apo lindjes është 1 në 2,200. Për pjesëmarrjen e grave në politike, Shqipëria renditet mes 40% të vendeve me nivelin më të ulët dhe e treta nga fundi për mesataren e viteve të shkollimit. Krahasuar me fëmijët në vendet e tjera të Evropes Qendrore dhe Lindore dhe Shtetet e Pavarura të Commonwealthit, fëmijët shqiptarë kryejnë vite shkollimi më pak se fëmijët në të gjithë rajonin. Shqipëria renditet më mirë se në vitin e kaluar për pjesëmarrjen e grave në qeveri. Në Treguesin e nënave ajo renditet e 106. Gratë mbajnë 20% për qind të vendeve në parlamentin shqiptar. Vdekshmëria e nënave dhe e fëmijëve në vendet më sfiduese të botës mund të ulet në mënyrë të ndjeshme nëse bëhen përpjekje për të përmirësuar shërbimet për nënat dhe fëmijët, shkruan në studim Save the Children.

HermesNews - ©2014

Dërgo me email | Stampo artikullin