06/05/2014 18:10:19

Arrestohet për dhunë 42 vjeçari

Bashkëshortja denoncon në polici

TIRANE - Një 42 vjeçar nga Korça, është arrestuar ditën e djeshme nga policia, pas denoncimit të bashkëjetueses së tij për ushtrim dhune. Bëhet fjalë për shtetasin Vladimir Shabani, i cili ka ushtruar dhunë fizike e psikologjike ndaj bashkëjetueses A.M, 34 vjeç, si dhe ndaj tre fëmijëve të saj të mitur O.M, 11 vjeç, D.M, 15 vjeç, G.M, 14 vjeç, raporton radio City FM në Korçë. Mësohet se 34-vjeçarja fëmijët i kishte nga martesa e parë dhe prej kohësh bashkëjetonte me 42 vjeçarin, i cili sipas të njëjtave burime ishte dhe përdorues i alkolit dhe shpesh herë ushtronte dhunë mbi 34 vjeçaren dhe fëmijët. Materialet i kaluan Prokurorisë për veprën penale, dhunë në familje.

HermesNews - ©2014

Dërgo me email | Stampo artikullin