06/05/2014 12:08:37

Ulet papunësia në Spanjë

Kryeministri spanjoll, Mariano Rajoy e cilëson të pamjaftueshme

MADRID - Papunësia në Spanjë regjistroi në muajin prill një rënie historike, por kjo mbetet e pamjaftueshme, theksoi sot kryeministri spanjoll, Mariano Rajoy, duke kujtuar situatën dramatike të vendit me pesë milionë punëkërkues. ”Gjatë muajit prill. ekonomia e katërt e zonës euro ka regjistruar një ulje të numrit të të papunëve me 2,33 për qind, rreth 111 565 persona më pak”, njoftoi Ministria e Punës. “Kjo është një shifër e mirë dhe kryesore është se tashmë ekziston një ndryshim i tendencës”, theksoi kryeministri spanjoll, Mariano Rajoy, për radion Cadena Ser. Ai nënvizoi se kjo ulje e papunësisë është krejtësisht e pamjaftueshme. Sipas mënyrave të ndryshme zyrtare të llogaritjeve, vendi numëron rreth 4,7 dhe 5,9 milionë të papunë, për një përqindje papunësie prej 25,93 për qind në tremujorin e tretë.

HermesNews - ©2014

Dërgo me email | Stampo artikullin