05/05/2014 16:07:59

Blutë i kthehen akuzave për drogë

Tallen me të papunët duke çelur një panair të punësimit virtual, teatral, për show, propagandë. Kanë ngecur keq në premtimin-mashtrim të tyre të hapjes së 300 mijë vendeve të punës

TIRANE - Kryetari i Partisë Demokratike, Lulzim Basha, ka akuzuar qeverinë Rama-Meta, për propagandë televizive për rritjen ekonomike në vend. Kreu i opozitës tha se, në të vërtetë vendi po përballet me përkeqësimin e ekonomisë dhe situatë të vështirë të rendit dhe sigurisë. "Tallen me të papunët duke çelur një panair të punësimit virtual, teatral, për show, propagandë. Kanë ngecur keq në premtimin-mashtrim të tyre të hapjes së 300 mijë vendeve të punës. Kanë filluar të sajojnë shifra të gënjejnë. Rënia drastike e të ardhurave nga sigurimet shoqërore është pasqyra e shpunësimit të shqiptarëve e daljes së tyre në rrugë", u shpreh Basha. Basha kërkoi me urgjencë që brenda kësaj të ngrihet Komisioni Hetimor që do të hetojë nëse Forcat e Armatosura janë përfshirë ose jo në trafikun e drogës. Sipas Bashës, për çështje që prekin sigurinë kombëtare, palët duhet të kapërcejnë çdo cak politik.

HermesNews - ©2014

Dërgo me email | Stampo artikullin