05/05/2014 14:54:31

Lajmi i mirë për eurozonën

Shifra e papunësisë mund të ulet në 11,4% në vitin 2015 pasi këtë vit ishte 11,8%

BRUKSEL - Një rritje prej 1,2 % parashikohet për këtë vit në eurozonë dhe 1,7% vitin tjetër. Lajmi u dha nga burime të komisionit europian. Parashikimi për vitin 2014 është i pandryshuar në raport me atë të bërë në shkurt, dhe në rënie të lehtë me 0,1 pikë për vitin 2015, një rishikim i vogël sipas Komisionit. Rritja do të ndikohet nga rimëkëmbja e kërkesës së brendshme. Shpenzimet e konsumatorëve në fakt duhet të rriten progresivisht, familjet do të kenë më shumë të ardhura në dispozicion për shkak të inflacionit të ulët dhe të stabilitetit progresiv të tregut të punës. Lajmi i mirë dhe për shifrën e papunësisë e cila mund të ulet në 11,4% në vitin 2015 pasi këtë vit ishte 11,8%.

HermesNews - ©2014

Dërgo me email | Stampo artikullin