03/05/2014 08:29:59

Moska përplaset në OKB me perëndimin

Ban Ki-moon i kërkoi ët gjitha palëve të bëjnë maksimumin për vetëpërmbajtje

NEW YORK - Rusia kërkoi sot përpara Këshillit të Sigurimit të OKB-së që Kievi t’i japë fund operacioneve ndëshkuese në lindje të Ukrainës, ndërkohë që perëndimorët fajësuan Moskën për përshkallëzimin e tensionit. “Ne i kërkojmë Kievit dhe mbështetësve të tij perëndimorë të mos kryejnë një gabim fatal dhe thellim të pasojave për veprimet e tyre”, deklaroi ambasadori rus, Vitali Tchourkine, që i kërkoi një takim urgjent Këshillit.Autoritetet e Kievit, shtoi ai, duhet t’i japin menjëherë fund të gjitha operacioneve ndëshkuese kundër kryengritësve që kanë marrë kontrollin në ndërtesat publike në disa qytete të lindjes. Ukraina ndërmori sot një operacion ushtarak në bastionin separatist pro-rus të Slavianskut. Sekretari i përgjithshëm i OKB-së, Ban Ki-moon është shumë i shqetësuar nga përshkallëzimi i tensionit në lindje të Ukrainës dhe i kërkoi ët gjitha palëve të bëjnë maksimumin për vetëpërmbajtje.

HermesNews - ©2014

Dërgo me email | Stampo artikullin