02/05/2014 19:31:13

Denoncohet shefi i kabinetit te ministrise

Shoqata e të larguarve pretendon se Alfred Nurja ka goditur një protestuese

TIRANE - Një pjesë e të shkarkuarve nga puna në administratë kanë bërë denoncim në prokuroi ndaj shefit të kabinetit të Ministrisë së Mirëqënies Sociale dhe Rinisë. Ngjarja ndodhi pas incidentit tek Panairi i Punës mes kreministrit Edi Rama dhe ministrit Erion Veliaj. Shoqata e të Larguarve nga Puna pretendon se Alfred Nurja i ka penguar për të protestuar, madje ata thonë se janë dhunuar. "Nurja, i cili me anë të përdorimit të pajustifikuar dhe të paligjshmëm të forcës, ka goditur në brinjë dhe duke i përdredhur dorën e majtë kryetares së Shoqatës për Mbrojtjen e të Larguarve nga Adminsitrata. Ky lloj përdorimi force dhe goditje nuk ka qenë i nxitur nga kallëzuesi apo të jetë përdorur nga një punonjës që ka në detyrë ruajtjen e rendit dhe qetësisë publike gjatë mbarëvajtjes së këtij aktiviteti. Theksojmë se detyra e Drejtorit të kabinetit të Mirqënies Sociale dhe Rinisë, Alfred Nurja, nuk lidhej me veprimtarinë e përmendur më sipër, mbi ruajtjen apo sigurinë e ambientit, apo personave publike e funksionarëve të pranishëm në këtë aktivitet. Kërkojmë prej organit të akuzës fillimin e procedimit penal", tha tha kryetarja e Shoqatës për mbrojtjen e të larguarve nga administrate, Nertila Qafzezi.

HermesNews - ©2014

Dërgo me email | Stampo artikullin