01/05/2014 15:12:50

Të ardhurat nga tvsh, 12,5% më shume

Krahasuar me tremujorin e një viti më parë (2013) u mblodhën 4,771 milionë lekë më shumë

TIRANE - Të ardhurat e mbledhura nga TVSH-ja në buxhet gjatë tremujorit të parë të këtij viti janë 12.5 % më të larta se sa planifikimi në fillim të vitit. Sipas të dhënave të publikuara nga ministria e Financave, të ardhurat e mbledhura nga tatimi mbi vlerën e shtuar llogariten për muajin për periudhën janar-mars 28,677 milionë lekë nga 25,500 milionë lëkë të planifikuara. Krahasuar me tremujorin e një viti më parë (2013) u mblodhën 4,771 milionë lekë më shumë. Gjatë periudhës janar-mars 2013 u mblodhën 23.906 milionë lekë të ardhura si TVSH. Tatimi mbi Vlerën e Shtuar (TVSH) zbatohet ndaj mallrave dhe shërbimeve brenda territorit të Shqipërisë.

HermesNews - ©2014

Dërgo me email | Stampo artikullin