01/05/2014 09:01:57

Zyrë për hetime ndaj zyrtarëve

Ndryshon emërimi i SHKBsë, kthehet në zyrë për ankesat dhe çështjet e brendshme

TIRANE - SHKBja apo Shërbimi i kontrollit të brendshëm do të ketë kompetenca të tjera. Në mbledhjen e zhvilluar një ditë më parë Qeveria ka ndryshuar emërtimin, përbërjen dhe kompetencat e saj. Në vend të zyrës do të ngrihet Shërbimi për ankesat dhe çështjet e brendshme. Misioni i tij do të jetë garantimi i zbatimit të ligjit dhe interesave te publikut, mbrojtja nga veprimtaria e mundshme kriminale dhe e kundërligjshme e kryer nga punonjës të veçantë të strukturave policore, pavarësisht funksionit dhe gradave. Objektiv i parë i kësaj strukture mbetet parandalimi dhe zbulimi e hetimi i veprave penale dhe i shkeljeve të ligjit të kryera nga punonjësit e strukturave gjatë ushtrimit të detyrave, por dhe pranimi, administrimi e zgjidhja e ankesave ndaj punonjësve të strukturave për mospërmbushje të detyrës sipas standardeve të miratuara me akte normative.

HermesNews - ©2014

Dërgo me email | Stampo artikullin