30/04/2014 17:54:02

Kongresi amerikan bllokon ndihmat

Mund të bllokohen 650 milionë dollarëve të kërkuar nga Pentagoni për ushtrinë egjiptiane, për shkak të dënimeve me vdekje

WASHINGTON - Një senator amerikan me influencë të fortë deklaroi sot bllokimin e livrimit të ndihmës financiare të njoftuar nga Pentagoni për ushtrinë egjiptiane, në shenjë proteste ndaj dënimit me vdekje të dhënë për 700 të dyshuar militantë islamikë. Senatori demokrat, Patrick Leahy kryeson nënkomisionin përgjegjës për Buxhetin mbi Marrëdhëniet e Jashtme dhe Ndihmën Ndërkombëtare, rrjedhimisht me mbajtjen e kësaj detyre ai mund të bllokojë livrimin e 650 milionë dollarëve të kërkuar nga Pentagoni, më 25 prill. Gjatë një fjalimi të mbajtur sot para Senatit, ai dënoi me termat më të ashpra “farsën dhe mashtrimin e inskenuar gjatë këtij procesi” që po rezulton në dhënien e 700 dënimeve kapitale. Patrick Leahy u shpreh ”tepër i shqetësuar tek shikonte të Drejtat e Njeriut dhe sistemin gjyqësor në një të tillë pikë qesharake”.

HermesNews - ©2014

Dërgo me email | Stampo artikullin