30/04/2014 17:07:16

Nëna mbyt fëmijën e saj 2 muajshe

24 vjeçarja Orjola Lleshi ka pranuar krimin në polici pasi është marrë në pyetje

LIBRAZHD - Mbyt foshnjën me jastëk por familjarëve të bashkëshortit u kishte thënë se e kishte mbytur pa dashje duke i dhënë gji. Ngjarja e rëndë është shënuar pasditen e djeshme në fshatin Kuturman të Librazhdit. 24 vjeçarja Orjola Lleshi ka pranuar krimin në polici. Ajo i kishte thene me saj se foshnjen M. Ll e kishte mbytur me jastek. Vjehrra e Ornelës, Dylbere Lleshi tregon "Në mëngjes shkova për të korrur barin. Djali 2 vjeç më thirri për t’i dhënë bukë. Kur shkova në kuzhinë, pashë nusen e cila ishte ulur në divan. E pyeta se çfarë ke ? Më tha shko te dhoma. Atje sytë më vajtën te çuni i cili kishte vdekur. E pyeta çfarë i bëre çunit, fillimisht më tha e bëri djali i madh, më pas tha se e kishte mbytur pa dashje duke i dhënë gji, por më pas e pranoi se e kishte mbytur vetë". Policia mendon se shkak i këtij gjesti të kenë qenë përplasje për motive xhelozie mes çiftit, dhe dyshimet për atësinë e fëmijës.

HermesNews - ©2014

Dërgo me email | Stampo artikullin