29/04/2014 20:01:41

Abbas kërkon marëveshje me Izraelin

''Që prej krijimit të Izraelit, askush nuk i njeh kufijtë. Ne jemi të vendosur të njohim kufijtë tanë dhe të tyre dhe pa këtë nuk do të ketë paqe''

RAMALLAH - Presidenti palestinez, Mahmud Abbas kërkoi sot, për vazhdimin e negociatave për paqe me Izraelin, që të përqendrohen kryesisht mbi planin e kufijve si dhe në bllokimin e kolonizimit. "Që prej krijimit të Izraelit, askush nuk i njeh kufijtë. Ne jemi të vendosur të njohim kufijtë tanë dhe të tyre dhe pa këtë nuk do të ketë paqe", deklaroi Abbas gjatë një fjalimi. “Nëse ne dëshirojmë vazhdim të negociatave duhet të kemi lirim të të burgosurve, te shkojmë në negociata në bazë të një ndërprerjeje të kolonizimit dhe te diskutojme për kartat dhe kufijtë”, theksoi Abbas. Bisedimet për paqe u ndërprenë më 24 prill nga qeveria e kryeministrit izraelit Benjamin Netanjahu pas një marrëveshjeje të re paqeje mes Organizatës për Çlirimin e Palestinës (OCP) të Abbas, dhe Hamasit, në pushtet në Gaza, që nuk njihet nga Izraeli.

HermesNews - ©2014

Dërgo me email | Stampo artikullin