26/04/2014 14:31:55

Ndërpreu takimin në Romë pas situatës së rënduar në Ukrainë

Jaceniuk vendosi të ndërpresë qëndrimin e tij për shkak të situatës së tendosur në Ukrainë

VATIKAN - K/ministri ukrainas, Arseni Jaceniuk në vizitë në Romë për të marrë pjesë nesër në shenjtërimin e Papa Gjonit XXIII dhe Papa Gjon Palit II vendosi të ndërpresë qëndrimin e tij për shkak të situatës së tendosur në Ukrainë, njoftoi zëdhënësi i tij. “Ai nuk mundet të qëndrojë për shkak të situatës në vend”, deklaroi Olga Lappo, në momentin kur kryeministri po pritej në audiencë nga Papa Françesku, ndërsa vendi po përballet me një kërcënim të ndërhyrjes ushtarake ruse në lindje. Ukraina është ndarë në mes të Patriarkanës Ortodokse të Kievit dhe asaj së Moskës, si dhe të një Kishe greke-katolike besnike e Vatikanit.

HermesNews - ©2014

Dërgo me email | Stampo artikullin