25/04/2014 15:10:19

Së shpejti Banka Bujqësore

Së fundi është miratuar edhe sigurimi i depozitave në mikrofinaca, një hap më afër ky drejt krijimit të bankës bujqësore

TIRANE - Pas më shumë se 20 vitesh financim në fshat, mikrofinanca duket e gatshme të ofrojë po aq shërbime sa një bankë. Në Asamblenë e 13-të të Përgjithshme të Unionit Shqiptar të Kursim Kredisë, që zhvilloi punimet në premten në Tiranë, u vu theksi në veçorinë e USHKK-së, si një ndër të vetmit institucione financiare shqiptare që ka bazuar trësisht strukturën e tij institucionale mbi modelin bashkohor të kooperativave financiare.

Ministri i Financave, Shkëlqim Cani, i pranishëm në këtë takim, ftoi për ngritjen e një banke bujqësore ne sherbim te fermereve. Institucionet e mikrokredisë që kanë financuar këto vite fshatin, kanë mundësi të bëjnë një hap më shumë, tha ministri i Financave. Duke u ndalur në konsolidimin e aktivitetit financiar të Unionit Cani theksoi se, “së fundi është miratuar edhe sigurimi i depozitave në mikrofinaca, një hap më afër ky drejt krijimit të bankës bujqësore. Deri më tani, kreditë në fshat janë dhënë përmes institucioneve të mikrokredisë dhe vitin e kaluar vetëm nga Unioni Shoqërive të Kursim”.

Kredite e vogla nga mikrofinanca mbulojnë mbi 45% të popullsisë, dhe sot vlerësohen nga banka e shqipërisë për nivelin e ulët të kredive të këqija. Ndërsa në sistemin bankar kreditë e këqija janë 24%, në mikrofinancë ato nuk kapin as 7% të totalit të financimit. Mikrokredia mbetet një partner i rëndësishëm në zhvillimin rural të vendit.

HermesNews - ©2014

Dërgo me email | Stampo artikullin