25/04/2014 14:18:04

WWF nënshkruan marëveshje për Luginën e Valbonës

Ky angazhim nënkupton që parku i Valbonës do të ketë në vitet në vijim, standarte të turizmit që njohin dhe ruajnë vlerat e natyrës

TIRANE - Parku kombëtar Lugina e Valbonës pritet të krijojë standardete të reja turizmi. U nënshkrua të premten në Valbonë, marëveshja për zhvillimin e turizmit midis përfaqsuesve të WWF Mesdhe, Ministrisë së Mjedisit, qeverisjes lokale, shërbimeve të mikpritjes dhe komunitetit të zonës. Ky angazhim nënkupton që parku i Valbonës do të ketë në vitet në vijim, standarte të turizmit që njohin dhe ruajnë vlerat e natyrës, respektojnë traditat kulturore të vendit, promovojnë prodhimet lokale, duke i dhënë njëkohësisht asaj njohjen ndërkombëtare që i takon si destinacion elitar.Marrëveshja e sotme u arrit pas 6 muaj pune përgatitore të projektit Parqet Dinarike të Shqipërisë. “Ky është një moment i rëndësishëm për të ardhmen e trashëgimisë natyrore të zonës Valbonë”, tha Andrea Stefan, përfaqësuese e WWF. Ekspertët e WWF dhe INCA (Instituti për Ruajtjen e Natyrës Shqipëri) do të mbështesin grupet e interesit të zonës Valbonë drejt ngritjes së nje modeli të ri turizmi në parqet kombëtare që mund të ndiqet në të ardhmen nga 14 parqet e tjera te Shqipërisë.

HermesNews - ©2014

Dërgo me email | Stampo artikullin