24/04/2014 17:40:41

Autogoli blu me arsenalin kimik. Demokratët ishin ''pro''

Selia blu kritikon vendimin për mbylljen e konsullatës shqiptare në New York. Çuditërisht kritikon dhe vendimin e qeverisë për mospranimin e demontimit të arsenalit kimik

TIRANE - Përfaqësuesi i PD-së Kreshnik Collaku kritokoi sot vendimin e Kryeministrit Edi Rama për mbylljen e konsullatës shqiptare në New York. "Konsullata shqiptare në New York ka qënë vazhdimisht jo vetëm një zyrë e rëndësishme shërbimi për qytetarët shqiptarë dhe amerikanë, por dhe një përfaqësi që ka ndihmuar në thellimin e marrdhënieve dhe kontakteve me partnerin tonë strategjik, dhe me një nga qendrat më të rëndësishme të botës", shkruan në një komunikatë për shtyp PD. Selia blu ka kritikuar dhe vendimdimin e qeverisë shqiptare për mospranimin e demontimit të arsenalit kimik në Shqipëri, çfarë është e çuditshme sepse demokratët i kishin përkrahur protestat popullore kundër arsenalit kimit, "Pas tronditjes që shkaktoi në marrdhëniet me Shtetet e Bashkuara të Amerikës, me çështjen e armëve kimike, Edi Rama jo vetëm nuk ka reflektuar, por ka marrë një tjetër vendim në kokën e tij, duke e vënë lidhjen e kombit tonë me shtetin më të rëndësishëm të botës, në një tjetër sprovë të panevojshme," perfundon komunikata.

HermesNews - ©2014

Dërgo me email | Stampo artikullin