24/04/2014 16:19:42

Çifti Rama merr bekimin e Papës për fëmijën

Kryeministri një orë në audiencë private me papën. Linda Rama në veshje stil arbëresh

VATIKAN - Për një orë me radhë Kryeministri i Shqipërisë Edi Rama u takua me kreun e Kishës Katolike Papa Françeskon në Vatikan. Cifti kryeministror mori bekimin për shtatzaninë e Linda Ramës. "Audienca me Papa Françeskun, një orë e mrekullueshme përballë thjeshtësisë së Njeriut", shkruan Rama në twitter. Në pallatin Apostolik, kryeministri takoi kardinal Pietro Parolin, Sekretar i Shtetit të Vatikanit, të shoqëruar nga kryepeshkopi Dominique Mamberti, Sekretar për marrëdhëniet me Shtetet. "Në bisedën e përzemërt është vënë theksi në marrëdhëniet e mira që ekzistojnë mes Selisë së Shenjtë dhe Shqipërisë dhe është diskutuar rreth çështjeve me interes të përbashkët lidhur me marrëdhëniet mes komunitetit kishës dhe atij civil, siç janë dialogu ndërfetar dhe kontributi i Kishës në të mirën e përbashkët të shoqërisë shqiptare", shkruan ne nje komunikate per shtyp Vatikani. "Biseda u përqendrua gjithashtu edhe në në çështjet kryesore të Rajonit dhe në rrugën e Shqipërisë drejt integrimit të plotë në Bashkimin Europian", përfundon komunikata.

HermesNews - ©2014

Dërgo me email | Stampo artikullin