23/04/2014 15:33:25

Arroganca e tatimeve mbledh biznese

Eskpertët e ministrisë së financave premtojnë ndryshimin e mentalitetit të administratës së tatimeve

TIRANE - Vetëm 5 % e vendimeve të drejtorisë së Apelimit kanë qenë në favor të biznesit, sipas avokatit te tatimpaguesve, Artur Papajani. Gjatë tryezës për problemet tatimore dhe doganore, me specialistë të fushës dhe përfaqësues të Ministrisë së Financave zhvilluar të mërkurën në Tiranë komuniteti i biznesit paraqiti disa nga problematikat e hasura gjatë viteve të fundit kryesisht me adminsitratën tatimore që kanë të bëjnë me sjelljet arrogante të administratës tatimore kundrejt tyre, kontrolle të palajmëruara, si dhe vendosje gjobash. Referuar faktit se vetëm 5 % e ankesave të biznesit janë marrë parasysh, Drejtori i Apelimeve në Drejtorinë e Përgjithshme të Tatimeve, Flamur Lala, duke premtuar ndryshim të mentalitetit dhe komunikimit me sipërmarrësit, u shpreh se, biznesi duhet të respektojë afatet ligjore për këtë proces, si dhe të formulojë të sakta praktikat.

HermesNews - ©2014

Dërgo me email | Stampo artikullin