23/04/2014 12:10:12

Harrohen akuzat për drogë

Komisioni, grup kontrolli pёr shkresёn e Ministrisё sё Brendshme. Demokratёt nuk paraqesin shkresё zyrtare pёr thirrjen e Ministres Kodheli nё Komision dhe braktis mbledhjen. Akuzat pёr drogё larg hetimeve

TIRANE - Komisioni i sigurisë kombëtare vendosi sot ngritjen e një grup kontrolli për verifikimin e punës së SHISH.

Verifikimi i ligjshmërisë sё shkresës sekret/kёrkesёn operative nr. 1478, datë 2.12.2013, dërguar drejtorëve tё SHISH nё prefektura, ku kërkohet informacion mbi persona tё implikuar nё veprimtari antiligjore, tё emëruar nё pozicione drejtuese nё Policinë e Shtetit, është qëllimi i kërkesës.

Një ditë më parë para komisionit ishte kreu i SHISH Visho Ajazi. "Sulmet ndaj shish janë cënim për sigurinë kombëtare" tha ai.

Nga 2013 në 2014 Ajazi siguroi se është dyfishuar shkëmbimi i informacionit me organet ligjzbatuese dhe partnerët ndërkombëtarë.

"Informacioni për atentatet e Janarit është përcjellë nga SHISH," ka deklaruar Ajazi duke hedhur poshtë akuzat për mosbashkëpunim nga ana e ministrisë së brendshme, por sipas mediave sot Ajazi thishte thënë për këto sulme dhe se, "na gjetën të papërgatitur".

Në këtë komision, dje, ka patur prej atyre që mbështeten deklaratat e kreut të SHISH. Nënkryetari i komisioni Flamur Noka tha se "janë mbi 317 informacione të përcjellë nga SHISH-i për Ministrinë e Brendshme vetëm në 4 muajt e fundit", çfarë quhet nxjerrje e sekretit shtetëror nga kreu i komisionit të sigurisë Spartak Brahu.

Grupi i kontrollit që u miratua sot pa demokratët, ka tre deputetë nga maxhoranca, Pirro Lutaj, Xhemal Qefalia dhe Pjerin Ndreu dhe 2 nga opozita, por kjo e fundit braktisi mbledhjen.

Noka tha se grupi i kontrollit ishte i pavlerë dhe në këmbim kërkuan thirrjen e ministres Kedheli në komision, por pa paraqtur kërkesën zyrtare për këtë. "Nuk kemi kërkesë zyrtare nga ana e PD-së për të thirrur në seancë dëgjimore Ministren e Mbrojtjes", por as objekti i kërkesës vijon Braho, nuk ishte i plotë.

Socialitët ngulmojnë në verifikimin e shkresës për pastertinë e figurave të posteve drejtuese të policisë.

Në komisionin e sigurisë u miratua grupi i kontrollit, por kjo sigusht nuk ka lidhje me akuzat për trafik droge në të cilën është përfshirë për herë të parë ushtria shqiptare.

Asnjë prej paleve, nuk ka kërkuar fillimin e hetimeve nga ana e prokurorisë, por në gjithë këtë histori që u debatua sot, demokratëve nuk iu falen shkeljet proçedurale dhe mosparaqitja e kërkesës zyrtare për ministren.

Neglizhencë apo jo, qytetarët dhe Europa janë njohur me disa akuza që e bëjnë Shqipërinë ende të pambrojtur nga institucionet e veta tё drejtësisë në arenën ndërkombëtare.

Doriana Metollari

Dërgo me email | Stampo artikullin