21/04/2014 16:03:35

Unioni i Gjyatarëve, letër Presidentit Nishani

Kërkesa e Unionit të Gjyqtarëve të Shqipërisë, vjen 3 ditë pas letrës së Ministrit të Punëve të Brendshme Saimir Tahiri drejtuar Presidentit të Republikës Bujar Nishani për të hetuar dhe marrë masa ndaj gjyqtarëve që kanë dhënë 65 vendimet e dyshuara si të kundraligjshme

TIRANË - Ankesat dhe hetimet ndaj gjyqtarëve ti përmbahen parimeve të përcaktuar nga standardet Kombeve të Bashkuara, të cilat mbrojnë gjyqtarët nga cenimet ndaj tyre. Kjo është kërkesa e Unionit të Gjyqtarëve të Shqipërisë, e cila vjen 3 ditë pas letrës së Ministrit të Punëve të Brendshme Saimir Tahiri drejtuar Presidentit të Republikës Bujar Nishani për të hetuar dhe marrë masa ndaj gjyqtarëve që kanë dhënë 65 vendimet e dyshuara si të kundraligjshme dhe abuzive në masat e arrestit apo dhe vendimet gjyqësore, vjen dhe reagimi i Unionit të Gjyqtarëve të Shqipërisë. Kërkesa e Unionit të gjyqtarëve është bërë mëngjesin e sotëm nëpërmjet një letre të hapur drejtuar Presidentit të Republikës, Këshillit të Lartë të Drejtësisë, Komisionit të Ligjeve pranë Kuvendit. Korrupsioni në gjyqësor ka qenë një ndër pikat kryesore thuajse në të gjitha raportet ndërkombëtare për Shqipërinë. Solidariteti mes vetë gjyqtarëve dhe politizimi i rasteve sa herë që konstatohen apo përgatiten reforma, e ka bërë gjithnjë e më të vështirë goditjen e rasteve të korrupsionit në gjyqësor. Unioni më tej në letrën dërguar presidentit ka renditur të gjitha pikat e legjislacionit ndërkombëtar që mbrojnë gjyqtarët, ndërsa ende nuk ka sjellë ndonjë reagim për rastin e gjyqtarit në Pogradec, Dhimitër Pojanaku, të arrestuar në flagrancë duke marrë ryshfet.

HermesNews - ©2014

Dërgo me email | Stampo artikullin