21/04/2014 14:39:27

Mungon Shpetim Gjika

Shtyhet seanca gjyqsore e dosjes ''Gjika''. Mungojnë të pandehurit

VLORE - Kryebashkiaku i Vlorës, Shpëtim Gjika nuk ishte prezent në seancën gjyqësore ndaj tij dhe katër bashkëpunëtorëve të akuzuar për "falsifikim dokumentesh" për leje ndërtimi. Në salle sot munguan dhe katër të pandehur të tjerë të dosjes, prej tyre tre u ranë akuzat pas amnistisë së bërë nga Qeveria që hyri në fuqi në datën 10 prill 2014. Tre të pandehurve të tjerë janë lehtësuar nga akuzat, pasi u ka rënë ajo e ndërtimit pa leje. Kreu i Bashkisë së Vlorës, Shpëtim Gjika, në bashkëpunim me persona të tjerë akuzohet për falsifikim të dokumenteve të KRRT-së të institucionit që ai drejton. Më konkretisht bëhet fjalë për objektin që ndodhet te vendi i quajtur "Tre racat", ndërsa objekti i dytë ndodhet brenda territorit të portit. Numri i personave në hetim nga Prokuroria e Vlorës në lidhje me dosjen “Gjika” janë shtatë persona, ku janë zhvilluar dy seanca gjyqësore në Gjykatën e Vlorës dhe më pas është marrë vendimi për të transferuar dosjen për gjykim në Tiranë.

HermesNews - ©2014

Dërgo me email | Stampo artikullin