21/04/2014 14:20:49

Mesazhi i Topit ndaj Prokurorisë

''Imami, i cili ka qenë i pari që ka bërë publike këto akuza, duhet ta ketë menduar mirë fatin e tij politik dhe juridik''

TIRANE - "Nëse Shqipëria do të ishte një shtet i fortë, Imami do të kishte kujdes të madh para se të hidhte akuzat për FA-në", tha kreu i Frymës së Re Demokratike, Bamir Topi. Akuzat per trafik droge nuk i kane lene ne heshtje Topi, i cili në mbledhjen e Asamblesë të Frymës së Re Demokratike, tha se, "Imami, i cili ka qenë i pari që ka bërë publike këto akuza, duhet ta ketë menduar mirë fatin e tij politik dhe juridik."

"Në Shqipëri sigurisht që ndër vite ka qarkulluar drogë dhe qeveritë i dinë shumë mirë përgjegjësitë e tyre në lidhje me këtë punë, sepse gjithçka zbardhet nga pikat e kontrollit të vendeve fqinj. Akuza zgjati vetëm në disa orë, sepse pas disa orësh e panë gabimin që bënë, akuzuan FA-në, ata që na kanë mbuluar shumë defekte që kemi pasur si shtet, duke shërbyer në lufta dhe duke qenë pjesa e krenarisë sonë kombëtare", tha Topi që i kërkon institucioneve të marrin përsipër përgjegjësinë e këtyre deklaratave.

Politikanet nuk ndeshkohen "per asgje", si rrjedhoje i ndryshimeve kushtetuese te 8 viteve me pare, sipas Topit dhe prandaj "Parlamenti sot sipas tij është kthyer në një institucion të gallatës."

"Gjashtë më parë në 21 Prill të vitit 2008 unë isha president, Parlamenti shqiptar në atë kohë ndërmori një akt, i cili siç po rezulton edhe pas 6 vitesh ishte një akt i menduar mirë nga dy njerëz, të cilët pa pasur asnjë lloj afiniteti politik shkuan në një vendim, ku të dy ishin shumë të gatshëm për të bërë ndryshime substanciale në Kushtetutë. Ndryshimi i Kushtetutës ka bërë që politikanët të mund të bëjnë gjithçka e të mos ndëshkohen për asgjë", u shpreh ai.

HermesNews - ©2014

Dërgo me email | Stampo artikullin