20/04/2014 17:15:46

''Të shohim drejt së ardhmes''

Mesazhi i Presidentit për festën, ''kemi sfidën e madhe për t’iu afruar dhe më shumë familjes europiane''

TIRANË - Një mesazh feste për qytetarët ka ardhur nga Presidenti i Republikës Bujar Nishani, për ditën e pashkëve.

Festa e Pashkëve sivjet i gjen shqiptarët me besim se do të bëjmë përpara në afrimin drejt familjes europiane, ishte ky mesazhi i presidentit. Ndërsa në fjalën drejtuar besimtarëve ortodoksë, Presidenti shprehet se Festa e Pashkëve, forcon besimin dhe dëshirën për mirësi, na shtyn të gjithëve, besimtarë ortodoksë apo jo, të rigjallërojmë shpresën dhe forcën për të qenë ashtu si na e kërkon vetë dita e shënuar e Pashkëve. "Sivjet ne kemi sfidën e madhe për t’iu afruar dhe më shumë familjes europiane. Kjo sfidë varet më së shumti nga mirëkuptimi që do të jemi të zotë të realizojmë midis nesh dhe nga dëshira për të pasur një vështrim më të kthjelltë mbi të nesërmen", thuhet në mesazhin e Kreut të Shtetit.

HermesNews - ©2014

Dërgo me email | Stampo artikullin