19/04/2014 12:21:49

Risia për sigurimet

AMF miratoi për disa shoqëri sigurimi produktin e sigurimit vullnetar të ndërtesave nga tërmetet

TIRANE - Në muajin mars të këtij viti AMF (Autoriteti i Mbikqyrjes Financiare) miratoi për disa shoqëri sigurimi produktin e sigurimit vullnetar të ndërtesave nga tërmetet, një produkt i ri në tregun shqiptar.

Kjo masë do t’i japë më shumë frymëmarrje tregut të sigurimeve të ndërtesave, i cili është pak i zhvilluar. Ndërsa në raportin statistikor të AMF-së, produktet e sigurimit të pronës, sipas vëllimit të primeve të shkruara bruto përbëjnë 26% të tregut prej 7.5 miliardë lekë të Jo-Jetës.

Autoriteti i Mbikëqyrjes Financiare vlerëson se kanë ndikuar kombinimi i një sërë faktorëve, si: shkalla relativisht të gjerë e informalitetit në pronësinë e ndërtesave; niveli relativisht i ulët i të ardhurave për frymë; mungesa e kulturës për përdorimin e produkteve të sigurimeve vullnetare; mentaliteti mbizotërues që në raste katastrofash shteti vepron si siguresë financiare; si dhe një trajtim fiskal rëndues që rrit koston e produktit për konsumatorët.

HermesNews - ©2014

Dërgo me email | Stampo artikullin