19/04/2014 11:43:34

Le tё shohim qartё

Demokratёt po pёrpiqen tё gjejnё drejtёsi politike. Rama nuk mund tё marrё rolin e Prokurorisё e cila s'nevojё pёr bashkёpunimin e opozitёs pёr tё nisur hetimet. Verifikimet nuk janё e njёjta gjё si nisja e hetimeve

TIRANE - Asnjё prej zyrtarёve tё shtetit shqiptar apo tё opozitёs nuk kanё pranuar deri tani se kanё filluar zyrtarisht hetimet pёr akuzat e opozitёs qё pёrfshijnё ushtrinё shqiptare.

Kryeprokurori i pergjithshem ka folur pёr "verifikime" dhe jo "fillimin hetimesh" pёr kёto akuza, ndёrsa provat, opozita ka deklauar zyrtarisht se i disponon.

A duhet tё presё provat prokuroria pёr tё filluar hetimet ? Ligjёrisht, fillon hetimet dhe me akuza publike. A mundet qё opozita tё mos ia paraqesё provat Prokurorisё ? Deklaratat publike mjaftojnё qё ligji ta detyrojё t'i paraqesё provat, ndryshe kjo tregon se po pengojnё hetimet. Ligjёrisht e dёnueshme.

Me pak fjalё, pse nuk kanё filluar ende hetimet ?

Nёse opozita ka prova dhe nuk ia paraqet prokurorise, kjo e fundit pse nuk ka filluar hetimet mbi akuza ? Flasim kёtu pёr fillim hetimesh jo verifikime.

Verifikimi ёshtё tjetёr.

Ka pyetje qё kanё ngelur ende pa pёrgjigje pёr qytetarёt, ndёrsa pёrdorimi i provave, qё mund tё ekzistojnё mund tё mos ekzistojnё, ёshtё bёrё pёr show - politik.

Drejtori i Pёrgjithshёm i Policisё sё Shtetit, Artan Didi, ka bërë me dije se akuza e ngritur nga opozita për trafikim të lëndëve narkotike nga Gjirokastra me avionë transportues është delikate që do t'i nënshtrohet hetimeve.

"Nuk e di pse merret politika me probleme tё investigimit...vetёm kur tё sigurohen prova, nё qoftё se do tё sigurohen prova, atёherё policia do t’ia prezantojё kёto publikut" deklaroi ai, çfarё tё lё tё kuptosh se provat ende nuk ekzistojnё.

Nё rast se opozita nuk disponon provat, atёherё po pёrpiqet tё spostojё vёmendjen e publikut, nga çfarё ?

Për çështjen e debatuar mbi punonjësit e policisë, të cilët mund të jenë të implikuar në kultivimin dhe trafikun e kanabis sativa, Didi tha se "...ndoshta dhe ka informacione tё tilla dhe policia mund tё ketё informacione tё tilla, por kёto janё pjesё e hetimit, tё cilat nuk ёshtё e udhёs qё tё prezantohen".

Nga ana tjeter kreu i PD-sё Lulzim Basha pretendon se "Kryeministri dhe Ministrja e Mbrojtjes kanë informacion", por sipas mediave shqiptare dhe ish ministri i mbrojtjes Arben Imami kishte informacion pёr trafik nё kohёn kur ishte ministёr, çfarё u hodh poshtё nga vete Imami ditёn tjetёr.

"Çfarë ka bërë Edi Rama dhe Ministrja Kodheli në momentin që janë informuar se bazat e ushtrisë mund të jenë përdorur në trafikun e drogës ? Çfarë qëndrimesh kanë mbajtur ? Çfarë masash kanë marrë ?", pyet Basha.

Deputetët demokratë kërkojnë që Ministrja e Mbrojtjes të paraqitet në Komisionin e Sigurisë dhe të dëshmojë se çfarë di ajo rreth informacioneve mbi përdorimin e mundshëm të infrastrukturës së forcave të armatosura nga narkotrafikantët dhe çfarë masash ka marrë, kërkoi Basha.

Komisioni i sigurisë në këtë rast do të ishte një tjetër rrjetë politike, nga e cila qytetarët nuk do të informoheshin kurrë saktë për atë çfarë po ndodh, meqë me siguri do të kishte kaq shumë debate, e sharje, sa e gjitha kjo, do të spostonte vëmendjen.

Demokratët kërkojnë që kryeministri Rama të sqarojë çështjen në Parlament para publikut, por nëse Rama vërtet do ta bënte, atëherë do të kishim një kryeministër që merr vendin e prokurorisë.

Terësisht e gabuar.

Politika nuk mund të marrë vendin e Prokurorisë kurrsesi dhe nuk i takon kryeministrit kjo. Gjithsesi deputetja socialiste Olta Xhaçka ka thёnё dhe se "Prokuroria ka nisur hetimet, me kërkesë të Ministres së Mbrojtjes", por Prokuroria nuk e ka thënë ende me gojën e vet këtë gjë. Kanë nisur apo jo hetimet, me apo pa bahkëpunimin e opozitës, pёr tё cilёn nuk ka nevojё.

Doriana Metollari

Dërgo me email | Stampo artikullin