17/04/2014 17:19:16

SHIU raportoi. Çfarë është bërë me informacionet ?

Do t'i çojnë ndonjëherë faktet demokratët në Prokurori ?

TIRANË-Demokratët dhe socialistët mesa duket, nëse e gjitha kjo nuk është një "sulm sa s'na kanë sulmuar të parët", kanë patur informacione nga SHIU për trafik droge.

Secila palë, ndoshta dhe nëpërmjet mediave, po përdor shërbimet sekrete ushtarake për të akuzuar tjetrën, për një prej akuzave më të rënda që mund t'i bëhet ushtrisë së një vendi, trafik, me ndryshim se deklaratat për marrjen e infomacionit nga Imami si ishte ministër për drogën, dolën nga mediat.

Gazetat raportuan dje se Imami ka qenë në dijeni nga SHIU për trafikun, ndërsa sot Berisha në seancën plenare tha se ka "informacione të sigurta" për trafikun aktual të drogës me ushtrinë, nga SHIU dhe "burime të tjera".

Ish kryeministri demokrat fton Kodhelin të paraqitet në komision dhe të përballet me faktet dhe pse, "ajo kundërshton, sepse skandali i drogës iu nxjerr të palarat ministrave të kësaj qeverie".

Berisha, tha se "ajo që dëgjoni ju nga këta qeveritarë është mashtrim i paskrupull dhe lidhur me avionin për trafikun e drogës, ju bëj me dije se informacionet nga SHIU janë të pa kontestueshme dhe ne do t’i paraqesim faktet dhe provat në komision".

Demokratët i kërkojnë Kodhelit të paraqitet në komision për t'u njohur me këto prova, por ministria nga ana e saj ka kërkuar ndërhyrjen e kryeprokurorit Lalla. Do t'i çojnë ndonjëherë provat demokratët në Prokurori ?

I vetmi institucion që ka bërë deri tani detyrën e vet paska qenë SHIU. Por nëse këto fakte kanë ekzistuar çfarë është bërë me to ?







"Frikë nga drejtësia" e quan kryeministri Rama gjithë këtë meselë, por kush i druhet me të vërtetë drejtësisë ?

Doriana Metollari

Dërgo me email | Stampo artikullin