17/04/2014 16:02:40

Lufta që nis nga qytetarët

Korrupsioni duhet të shkaktoië agresivitet tek të gjithë dhe duhet të na bashkojë për të gjetur qasjen e duhur për ta luftuar këtë fenomen

TIRANË - Korrupsioni është një fenomen që shton pabarazinë, rrit agresivitetin në shoqëri dhe dëmton themelet e demokracisë. Për të mbrojtur qytetarët nga ky fenomenon, duhet folur dhe denoncuar. Inciativa mblodhi sot në një ekspozitë me piktura krerët e drejtësisë në vend bashkë me ambasadorin amerikan Arvizu.

"Korrupsioni vjedh qytetarët. Korrupsioni shpërndan padrejtësisht pasurinë, duke i dhënë krah të pandershmes në kurriz të të ndershmëve", tha ambasadori amerikan.

"Kjo duhet të shkaktoië agresivitet tek të gjithë dhe duhet të na bashkojë për të gjetur qasjen e duhur për ta luftuar këtë fenomen. Këtu duhet parë politika, prokuroria dhe gjykata. SHBA, nënvizoi Arvizu, vlerëson se hallka më e dobët janë gjykatësit, një pjesë e tyre është e korruptuar. Problem, shtoi ai, është edhe informaliteti në punësim dhe ekonomi. Informaliteti ekonomik është plagë që pengon zhvillimin dhe rrit padrejtësine dhe konkurencën e pandershme", tha Arvizu.

Prokuroria ka ngritur struktura të posaçme në të gjitha prokuroritë për të monitoruar punën e prokurorëve dhe për të denoncuar rastet e korrupsionit.

"Jemi mjaft të ndjeshëm ndaj këtij fenomeni dhe sot bëhemi edhe me reflektiv duke parë këto piktura të vizatuara nga dora e pafajshme e një gjimnazisti i cili pasqyron një realitet që duhet luftuar, pasi korrupsioni në Shqipëri është dhe duhet luftuar", tha kryeprokurori Adriatik Llalla.

HermesNews - ©2014

Dërgo me email | Stampo artikullin