17/04/2014 13:10:37

Prokuroria po verifikon faktet për përfshirjen e ushtrisë në trafik

Lalla, Prokuroria ka marrë kërkesë nga Ministrja e mbrojtjes për nisje te hetimeve. Jemi në fazën e verifikimeve paraprake, i kërkojmë deputeteve që të paraqesin faktet që thonë se i disponojnë

TIRANË - Prokuroria do të hetojë akuzat e ngritura nga opozita e cila deklaroi se ushtria shqiptare përdoret për trafik droge. Prokurori i Përgjithshëm Adriatik Llalla tha sot se aktualisht po bëhen verifikimet lidhur me ngjarjen, ndërsa nënvizoi se pritet dokumentacioni që fakton akuzat e ngritura. "Prokuroria ka marrë edhe një kërkesë nga Ministrja e mbrojtjes për nisje te hetimeve. Jemi në fazën e verifikimeve paraprake, do i kërkojmë deputeteve që kanë ngritur dyshime për përfshirjen e strukturave te ushtrisë ne trafik droge, që të paraqesin faktet që thonë se i disponojnë, do i kërkohet edhe institucioneve te ndryshme si, SHISH, DPPSH, dhe këdo që mund të ketë informacioni e fakte që t’i paraqesë pranë organeve të akuzës", tha Llalla.

HermesNews - ©2014

Dërgo me email | Stampo artikullin